Dröm loß mer noch ens schunkele!

1. Wenn mer sich amüsiere well,
jo dann eß ganz geweß op kölsche Aat,
bei festlicher Gelägenheit
et schunkele, et schunkele ahngebraht.
Zo ehz do springk mer op vum Stohl,
dann git mer gägenseitig sich de Hand.
Lück, die sich nie gesinn,
die schöckele her und hin,
eß dat nit schön,
dat eß doch intressant:

Dröm loß mer jetzt ens schunkele,
ens schunkele, ens schunkele,
mer kann jo nit wesse, wofür et got,
mer weiß nit wie lang
et met uns noch doot,
mer wähden de Sorge loß,
un et eß jet, wat nix koß.

2. Dat Schunkele eß en eige Sach,
die Idee kom in Kölle op de Welt.
D’r Kölsche schunkelt Dag un Naach,
weil et schließlich Liev un Siel zosamme hält.
Et spillt dä Jahrgang gar kein Roll,
weil mer vun selver en Bewägung kütt.
Et deiht däm Jüngste got,
’nen Ahl kritt neue Mot,
dat eß d’r Zweck
mie welle mer jo nit:

Dröm loß mer jetzt ens schunkele...

3. Wat hät dat schließlich för ’ne Zweck,
en en Eck sich zo setze wie ’ne Stief.
Do stellt mer sich am beste jeck,
un mer schöddelt sich de Sorge all vum Liev.
Et Gägendeil wör ganz verkeet,
denn die paar Dag, die mir zo levven han,
dat eß nit wigger schlemm,
die gon vun selvs eröm,
dä Augenbleck
uns keiner nemme kann:

Dröm loß mer jetzt ens schunkele...
Autor: Willi Ostermann

Mehr Karnevalslieder

0.0 von 5 – Wertungen: 0